Isa 55:1-6 | SwhKC | STEP | “Njooni, ninyi nyote wenye kiu, njooni kwenye maji; nanyi ambao hamna fedha, njooni, nunueni na mle! Njooni, nunueni divai na maziwa bila fedha na bila gharama.

Isaiah 55:1-6

Mwaliko Kwa Wenye Kiu

1 ^a“Njooni, ninyi nyote wenye kiu,
njooni kwenye maji;
nanyi ambao hamna fedha,
njooni, nunueni na mle!
Njooni, nunueni divai na maziwa
bila fedha na bila gharama.

2 ^bKwa nini kutumia fedha kwa kitu ambacho si chakula,
na kutaabikia kitu kisichoshibisha?
Sikilizeni, nisikilizeni mimi na mle kilicho kizuri,
nazo nafsi zenu zitafurahia utajiri wa unono.

3 ^cTegeni sikio mje kwangu,
nisikieni mimi, ili nafsi zenu zipate kuishi.
Nitafanya agano la milele nanyi,
pendo la uaminifu nililomwahidi Daudi.

4 ^dTazama, nimemfanya kuwa shahidi wa mataifa,
kiongozi na jemadari wa mataifa.

5 Hakika utaita mataifa usiyoyajua,
nayo mataifa yale yasiyokujua yataharakisha kukujia,
kwa sababu ya Bwana Mwenyezi Mungu wako,
yeye Aliye Mtakatifu wa Israeli,
kwa maana amekutukuza.”

6 ^eMtafuteni Bwana maadamu anapatikana;
mwiteni maadamu yu karibu.